द ख़बर एक्सप्रेस 26 अगस्त 2023। दीतवार रा साहित्यकार, इतिहासकार, आलोचक डाॅ चेतन स्वामी री कृति राजस्थानी कहाणी : इतिहास अर आळोच पोथी रो विमोचण राष्ट्र भाषा हिन्दी प्रचार समिति रै आंगणै होसी। राजस्थानी कहाणी री ऐतिहासिक आलोचना री आ एक घणी महताऊ कृति है। कालै दिनुगै ग्यारह बजी राजस्थानी रा अप्रतिम कथाकार श्री अन्नाराम सुदामा री जयंति रो कार्यक्रम मनायो जासी। इणी दौरान इण कृति रो विमोचण भी होसी। उल्लेख करणजोग बात है कै साहित्य पारखू श्री भीखमचंद पुगलिया कांनी सूं इण पोथी री दोय सौ प्रतियां राजस्थानी लिखारा अर शोधार्थियां नै निशुल्क वितरित करीजसी।
