सूरतगढ़ रा लेखक’र पत्रकार मनोज स्वामी रो सम्मान रविवार न करसी श्रीडूंगरगढ़ री गुणीजन सम्मान समारोह समिति

The Khabar Xpress 23 अगस्त 2025। श्रीडूंगरगढ़ कस्बा री मानीजेड़ी संस्था गुणीजन सम्मान समारोह समिति का’ल 24 दिसम्बर रविवार न दिनुगै 11 बजे राजस्थान रा ख्यातनांव लेखक अर पत्रकार मनोज स्वामी रो राजस्थानी साहित्य भूषण सम्मान स्यु सम्मानित करसी। ई सम्मान समारोह र संयोजक डॉ चेतन स्वामी बतायो है कि ई सम्मान समारोह रो आयोजन श्रीडूंगरगढ़ री नामी संस्था राष्ट्रभाषा हिन्दी प्रचार समिति री ठौड़ हुसी। ई कार्यक्रम म लेखक’ पत्रकार मनोज स्वामी र सम्मान र साथे राजस्थानी भासा रै मान्यता रै मुद्दै माथै सागीड़ी बंतळ होसी।
कार्यक्रम रा अध्यक्ष राजस्थानी भाषा रा मानीजेड़ा साहित्यकार श्याम महर्षि हुसी और आपणी मायड़ भाषा रा घणा ही विद्वान बठे मौजूद रे’सी। आपा सगळा बठे ई हिंदी और अंग्रेजी र बीच पीसती आपणी भाषा न किय्यां बचावा और रूखाळी राखा बी पर चर्चा करस्या।