श्रीडूंगरगढ़ उपखण्ड अधिकारी उमा मित्तल री नुई पहल, लोकसभा चुनाव म क्षेत्र र मतदातावां स्यु \”मीठी मनवार\”

The Khabar Xpress 14 अप्रेल 2024। लोकसभा चुनाव में मतदाताओ को जागरूक करने और ज्यादा से ज्यादा मतदान करने के लिए श्रीडूंगरगढ़ उपखण्ड अधिकारी उमा मित्तल ने अपनी और अपनी मतदान टीम की तरफ से अपनी राजस्थानी भाषा मे आमजन से \”मीठी मनुहार\” की है।

\”मतदान री मीठी मनवार\”

श्रीडूंगरगढ़ विधानसभा रा मोत्यां सूं मूंगा आप सगळा मतदातावां नै उमा मित्तल सहायक रिटर्निंग अधिकारी (एसडीएम) कानी सूं खम्मा घणी सा।

म्हें आप सारा ई मतदातावां सूं अरज करूं के 19 अप्रैल, 2024 रे दिन दिनुगै 07:00 बज्याँ सूं सिंझया 06:00 बज्याँ तांई होवणवाले लोकसभा चुनाव में आप-आपरे मतदान केंद्र माथै जाय\’र मतदान जरूर करज्यो सा।

आपरो वोट आपरो अधिकार ई नीं, इण लोकतंत्र रो मूळ आधार है अर देस रे चौतरफै विकास मांय आपरो घणमोलो वोट घणो जरूरी है, इण सारूं आप वोट जरूर दीज्यो सा।

म्हें श्रीडूंगरगढ़ विधानसभा रा सगळा प्रवासी मतदातावां सूं भी हियैतणी अरज करूं कै आप काम-धंधे अर रोजगार सारू परदेस में हो, तो भी लोकतंत्र है इण महापर्व मायं आपरी भागीदारी निभावण सारूं वोट देवण नै जरूर पधारज्यो सा।

आपरे वोट देवण सूं ई आपणो लोकतंत्र सबळो बणैला अर आपणो देस विकास टै मारग माथै आगै बढेला सा। आपरे पधारयां लोकतंत्र है उच्छब री सोभा सवाई होसी अर लोकतंत्र रो यज्ञ सफल होसी।